Eins ótrúlega og það hljómar þá er Carlos Tevez orðaður við Manchester United árið 2020.
Tevez er fyrrum leikmaður United en hann spilaði með liðinu við góðan orðstír en samdi við grannana í Manchester City fyrir 11 árum.
Tuttosport á Ítalíu segir að United sé að skoða það að fá Tevez lánaðan eftir meiðsli Marcus Rashford.
Tevez er 35 ára gamall sóknarmaður en hann spilar með Boca Juniors í Argentínu.
Hann verður samningslaus í sumar og samkvæmt fregnunum gæti United reynt að fá hann lánaðan út tímabilið.