Það gengur ekkert of vel hjá Heimi Hallgrímssyni og félögum í Al-Arabi í Katar þessa dagana.
Al-Arabi tapaði 6-1 gegn Al-Sadd nýlega og mætti toppliði Al-Duhail í dag á heimavelli.
Al-Duhail var ekki í miklum erfiðleikum með að næla í sigur og hafði betur að lokum, 1-3.
Al-Arabi situr í fimmta sæti deildarinnar með 18 stig, 15 stigum á eftir toppliðinu þegar 13 umferðir eru búnar.
Aron Einar Gunnarsson spilaði með liðinu í leiknum og fékk gult spjald á 41. mínútu.