Jón Daði Böðvarsson, leikmaður Millwall, var í ítarlegu viðtali við the Telegraph nú eftir helgi.
Þar fór Jón yfir ýmis mál og á meðal annars leik Íslands gegn Englandi á EM 2016 sem vannst, 2-1.
Á þeim tíma þekktu mun færri íslenska liðið og töldu að margir leikmennirnir væru í hlutastarfi.
Talað var um að Jón væri til að mynda starfsmaður á bensínstöð sem var að sjálfsögðu ekki rétt.
,,Það fóru sögusagnir af stað ég væri einhver náungi sem væri að fylla á bílana á bensínstöð,“ sagði Jón.
,,Það var mjög spes. Enginn af okkur var í hlutastarfi. Langflestir leikmennirnir voru að spila í sterkum deildum í Evrópu.“
,,Það er meira nafnið ‘Ísland’ – það hljómar ekki mjög fagmannlegt er það? England var leikurinn sem allir Íslendingar vildu fá.“
,,Við horfðum á ensku úrvalsdeildina sem krakkar og það er eins og þetta hafi verið örlögin.“