Joe Allen, leikmaður Stoke City, er mögulega á leiðinni aftur í ensku úrvalsdeildina í janúar.
Allen var eitt sinn á mála hjá Liverpool og var þá kallaður ‘welski Xavi’ af Brendan Rodgers, þáverandi stjóra liðsins.
Allen er ennþá aðeins 29 ára gamall en hann spilar með Stoke í næst efstu deild Englands.
Miðað við fregnir dagsins er West Ham að skoða það að fá Allen sem myndi kosta um 10 milljónir punda.
David Moyes, stjóri West Ham, er aðdáandi Allen og gæti reynt að næla í hann á næstu dögum.