Ezz El-Din Bahader er ekki nafn sem margir kannast við en hann er frá Egyptalandi og er knattspyrnumaður.
Behader skrifaði í gær undir samning við lið í Egyptalandi sem leikur í þriðju efstu deild þar í landi.
Það væri ekki frásögu færandi fyrir utan þá staðreynd að Behader er 75 ára gamall.
Hann er á góðri leið með það að verða elsti atvinnumaður sögunnar til að spila lek ef hann fær tækifæri.
Behader er eins og áður sagði 75 ára gamall en metið er 73 ára að svo stöddu. Það gerðist í Ísrael í fyrra er hinn 73 ára gamli Isaak Hayik spilaði í fjórðu deild í Ísrael.
Nafn liðsins er 6th October og er aldrei að vita hvort Behader fái tækifæri og spili eins og einn leik. Félagið vonast til þess að brjóta metið í heimsmetabók Guinness.