Kristinn Ingi Halldórsson mun ekki spila með Val á næstu leiktíð en frá þessu er greint í dag.
Fótbolti.net náði tali af Heimi Guðjónssyni, þjálfara Vals, þar sem hann staðfesti fréttirnar.
Kristinn hefur undanfarin sex ár spilað með Val en hann kom til liðsins frá Fram árið 2014.
Hann fagnaði Íslandsmeistaratitlinum með Val í tvígang en samningur hans er runninn út.
Kristinn er þrítugur að aldri og verður að finna sér nýtt lið fyrir næsta sumar.