Knattspyrnuaðdáandi í Ekvador kom sér heldur betur í vandræði um helgina er hann mætti með konu til að horfa á sitt lið spila.
Maðurinn er giftur en hann mætti ekki með eiginkonu sinni á völlinn. Hann var gómaður í framhjáhaldi fyrir framan alþjóð.
Deyvi Andrade heitir þessi maður en myndavélar vallarins náðu honum á upptöku kyssandi konuna.
Myndbandið varð mjög vinsælt á samskiptamiðlum en Andrade áttaði sig á eigin mistökum um leið og hann sá sjálfan sig á stóra skjá vallarins.
Andrade viðurkenndi framhjáhaldið með langri færslu á samskiptamiðlum stuttu eftir að myndbandið vakti athygli.
,,Við gerum öll mistök og við lærum af því. Ég þakka þeim sem hafa boðið mér í kirkju og ef ég fer þá er það til að laga fjölskyldumálin,“ sagði Andrade.
,,Ég sé verulega eftir þessu og hef þess vegna ákveðið að tjá mig opinberlega um þetta bull, svo ég geti beðið þig um að fyrirgefa mér.“
,,Ég vil fá að njóta svona stunda með þér. Ég er svo ringlaður en ég vil fá þig aftur.“
Ja, that „after look“ says the two are cheating. pic.twitter.com/LaAu7GdA8L
— Ratombo (@stoneman_o) 20 January 2020