Þrír leikmenn eru að grátbiðja miðjumanninn Paul Pogba um að snúa aftur til Juventus í sumar.
Frá þessu greinir Tuttosport á Ítalíu en Pogba er á mála hjá Manchester United þessa stundina.
Pogba er reglulega orðaður við sitt fyrrum félag en hann var frábær á miðju liðsins um tíma.
Juan Cuadrado, Paulo Dybala og Gonzalo Higuain ræða reglulega við Pogba í gegnum spjallforritið WhatsApp.
Pogba ku vera að íhuga stöðu sína á Englandi og er opinn fyrir því að skoða aðra möguleika í sumar.
Þremenningarnir vilja mikið fá Frakkann aftur til Ítalíu og reyna að sannfæra hann um að skipta.