Barcelona byrjar vel undir stjórn Quique Setien en hann stýrði liðinu í sínum fyrsta leik í kvöld.
Setien tók við af Ernesto Valverde á dögunum og mættu Börsungar liði Granada í deildinni í kvöld.
Það endaði með sigri heimamanna en Lionel Messi skoraði eina mark leiksins í seinni hálfleik.
Messi lagði boltann snyrtilega í markið á 76. mínútu sem reyndist nóg til að tryggja sigur.
Barcelona endurheimti toppsætið með sigrinum en er enn með jafn mörg stig og Real Madrid á toppnum.