Mike Dean, einn umdeildasti dómari Englands, mun dæma leik Arsenal og Sheffield United á eftir.
Dean er 51 árs gamall en hann hefur lengi dæmt í efstu deild og mun í dag dæma sinn 500. leik.
Það er gríðarlega góður árangur en Dean verður heiðraður með medalíu áður en leikurinn fer af stað á Emirates.
Þrátt fyrir mikla reynslu er Dean ekki vinsælasti dómari Englands og þá sérstaklega ekki á Emirates.
Arsene Wenger, fyrrum stjóri Arsenal, sagði Dean og hans aðstoðarmenn til að mynda vera til skammar eftir leik í desember árið 2017.