Jose Mourinho, stjóri Tottenham, hefur fulla trú á varnarmanninum Japhet Tanganga.
Tanganga hefur byrjað síðustu tvo leiki Tottenham en hann er aðeins 20 ára gamall og þykir efnilegur.
Mourinho treystir sínum manni mikið en hann spilaði í 2-1 sigri á Middlesbrough í bikarnum í gær.
,,Ég treysti honum. Ég veit hvernig hann getur lesið leikinn og lært. Hann tekur við öllum upplýsingum,“ sagði Mourinho.
,,Hann er ekki svona nútíma krakki sem hefur áhyggjur af leiðinni, leiðin er að leggja sig hart fram og nýta tækifærin. Nú veit fólk hversu góður hann er.“