Ingvar Þór Kale, markvörðurinn knái hefur ákveðið að leggja hanskana á hilluna, eftir farsælan feril.
Ingvar hefur staðið vaktina í marki Kórdrengja síðustu ár en hann átti farsælan feril í efstu deild.
Ingvar varði mark Breiðabliks 2009 og 2010 þegar liðið varð bikar og Íslandsmeistari, einu titlarnir í sögu félagsins.
Af Facebook síðu Ingvars:
Eru ekki allir hressir? Jæja það kemur víst að þessu hjá okkur öllum fyrir rest og en ég ætla að reyna að vera stuttorður með þetta. Hanskarnir, skórnir, legghlífarnar og allur pakkinn er kominn á hilluna góðu. Ég vill nota tækifærið og þakka öllum þeim sem hafa komið að mínum ferli og hjálpað mér að eiga geggjuð ár í boltanum kærlega fyrir samveruna, sigrana, og vináttuna í gegnum árin. Þjálfarar, dómarar, samherjar, mótherjar, Víkingur, KS siglufirði, Berserkir, Breiðablik, Valur, ÍA og Kórdrengir… TAKK FYRIR MIG!