Sóknarmaðurinn Eni Aluko hefur tjáð sig um erfiða tíma hjá ítalska stórliðinu Juventus.
Aluko samdi við kvennalið Juventus sumarið 2018 og kom frá Chelsea. Hún lék sinn síðasta leik fyrir Juventus þann 30. nóvember.
Aluko varð fyrir miklum rasisma á meðan hún spilaði á Ítalíu en það hjálpaði að geta sagst spila fyrir Juventus.
,,Þegar ég fór út í búð þá spurði fólk mig hvað ég væri að gera hérna, af hverju ég væri hérna,“ sagði Aluko.
,,Um leið og ég sagðist spila fyrir Juventus þá breyttist andrúmsloftið. Ef ég hefði ekki spilað fyrir liðið þá breyttist ekkert.“
,,Ég þurfti að tjá mig á bjagaðri ítölsku: ‘Þú getur ekki látið mér líða eins og ég sé að fara að ræna búðina vegna ykkar hræðslu og fáfræði.“
,,Í hvert skipti sem ég lenti á flugvellinum síðustu fjórar vikurnar þá var komið fram við mig eins og Pablo Escobar. Hundarnir voru sendir á mig.“