Quique Setien er nýr stjóri Barcelona á Spáni en þetta staðfesti félagið nú rétt í þessu.
Setien tekur við af Ernesto Valverde sem var rekinn í kvöld eftir 3-2 tap í Ofurbikarnum gegn Atletico Madrid.
Setien er 61 árs gamall Spánverji en hann var síðast stjóri Real Betis frá 2017 til 2019.
Þrátt fyrir að hafa náð góðum árangri með Betis þá ákvað félagið að láta hann fara síðasta sumar.
Setien hefur einnig stýrt Las Palmas frá 2015 til 2017 og var hjá Lugo 2009 til 2015.
Hann er fyrrum spænskur landsliðsmaður og spilaði þrjá leiki frá 1985 til 1986.