Arsene Wenger er besti stjóri í sögu ensku úrvalsdeildarinnar að mati Neil Warnock, fyrrum stjóra Cardiff.
Warnock er 71 árs gamall og hefur séð það sem aðrir hafa ekki orðið vitni að í efstu deild.
Wenger er þessa stundina að vinna fyrir FIFA en hann vann hjá Arsenal í yfir 20 ár sem aðalþjálfari.
,,Síðan úrvalsdeildin byrjaði, ef ég ætti að nefna fimm bestu stjórana þá væri Wenger númer eitt. Hann breytti leiknum á meðal nútíma fótboltamanna,“ sagði Warnock.
,,Hann kom með hluti sem enginn hafði hugsað út í. Næringafræðinga. sjúkraþjálfara, myndbönd og tæknina.“
,,Ég held að Wenger hafi breytt öllum leiknum þegar hann kom í úrvalsdeildina.“