Mino Raiola, umboðsmaður Paul Pogba segir að leikmaðurinn vilji á næstu leiktíð vera í félagi sem er að berjast um titla. Pogba hefur viljað fara frá United síðustu mánuði.
Raiola er umdeildur umboðsmaður hjá United, Sir Alex Ferguson hataði Raiola og það hefur smitað sér í samskiptum hans við félagið og stuðningsmenn.
,,Vandamál Pogba er Manchester United, félagið er ekki í takt við raunveruleiknann og vantar stefnu er varðar íþróttina,“ sagði Raiola.
Það vakti athygli þegar Pogba var ekki í leikmannahóp United gegn Burnley um helgina, hann hefur jafnað sig af meiðslum en treysti sér ekki til að spila.
Hann ferðaðist svo ekki með United í gær til London en liðið mætir Arsenal í kvöld.
