Sverrir Ingi Ingason var í byrjunarliði PAOK þegar liðið heimsótti Krasnodar í Meistaradeild Evrópu í kvöld. Leiknum lauk með 2-1 sigri heimamanna.
PAOK fékk vítaspyrnu á sjöundu mínútu. Dimitris Pelkas fór á punktinn en tókst ekki að skora. Hann bætti upp fyrir mistök sín á 32. mínútu þegar hann setti knöttinn í netið. Stuttu síðar eða á 39. Mínútu jafnaði Viktor Claesson metin fyrir Krasnodar með marki úr vítaspyrnu.
Á 70. Mínútu kom Rémy Cabella heimamönnum yfir. Fleiri urðu mörkin ekki og Sverrir og félagar þurfa að sætta sig við 2-1 tap.
Mikael Anderson byrjaði á varamannabekknum er lið hans Midtjylland heimsótti Slavia Praha í Meistaradeild Evrópu í kvöld. Leiknum lauk með 0-0 jafntefli. Mikael var skipt inn á á 76. mínútu.
Leikirnir eru liður í forkeppni um laus sæti í riðlakeppni meistaradeildarinnar. Leikið er heima og að heiman. Fyrri leikirnir fóru fram í kvöld. Síðari leikir þessara liða fara fram 30. september. Það lið sem vinnur samanlagt leikina tvo kemst í riðlakeppnina.
Krasnodar 2 – 1 PAOK
0-0 Dimitris Pelkas (7’) (Misheppnuð vítaspyrna)
0-1 Dimitris Pelkas (32’)
1-1 Viktor Claesson (39‘)
2-1 Rémy Cabella (70‘)
Slavia Praha 0 – 0 Midtjylland