Jóhann Berg Guðmundsson kantmaður Burnley er með tognað liðband í hné eftir að hafa orðið fyrir tæklingu í leik gegn Sheffield United í gær.

Um var að ræða fyrsta leik tímabilsins en Jóhann var borinn af velli eftir tíu mínútna leik. „Þetta var mjög ljót tækling og hefði átt að vera rautt spjald,“ sagði Sean Dyche eftir leik.

Jóhann fór í myndatöku í morgun og fékk bæði góðar og slæmar fréttir. Slæmu frétturnar eru að liðböndin eru tognuð en ögn meira högg hefði kostað Jóhann langa fjarveru. Þetta eru því bæði góðar og slæmar fréttir.

Sean Dyche stjóri Burnley segist ekki vita hversu lengi Jóhann verður frá en ætla má að hann verði frá í 4-6 vikur.

Um var að ræða fyrsta leik tímabilsins en Jóhann Berg verður að öllum líkindum ekki leikfær gegn Rúmeníu í umspili um laust sæti á EM í byrjun október.

SD confirms a damaged medial ligament in the knee for JBG, but slightly better than initially feared. No timescale yet on return

— Burnley FC (@BurnleyOfficial) September 18, 2020