Paul Pogba miðjumaður Manchester United hefur jafnað sig á kórónuveirunni og er mættur til æfinga hjá Manchester United.
Pogba fékk COVID-19 veiruna í sumarfríi sínu og hefur ekki getað æft með liði sínu síðustu daga.
United vonast til þess að Pogba verði fljótur að koma sér í gír en liðið hefur leik í ensku úrvalsdeildinni eftir rúma viku.
Franski miðjumaðurinn hefur viljað fara frá Manchester United en óvíst er hvort hann skrifi undir nýjan samning við félagið eða fari.
Pogba kom til United árið 2016 frá Juventus og kostaði 89 milljónir punda.