Ísland heimsótti Belgíu í Þjóðadeildinni í kvöld í Brussel og eins og flestir höfðu spáð var sigur Belga auðveldur.
Ísland tók forystuna í leiknum á tíundu mínútu með marki Hólmberts Arons Friðjónssonar. Skot hans fór í varnarmann og þaðan í netið.
Eftir frábæra byrjun setti lið Belga í gír og var staðan 2-1 í hálfleik. Leiknum lauk svo með 5-1 sigri Belga sem voru miklu sterkari aðiliinn í síðari hálfleik.
Einkunnir eru hér að neðan.
Ögmundur Kristinsson 6
Fékk á sig fimm mörk en bjargðai því að þau yrðu fleirri. Hefði mátt gera betur í öðru marki Belga og verja boltann til hliðar.
Hjörtur Hermansson 3
Var í miklu brasi með snögga Belga á vinstri kantinum og vantaði hjálp oft á tíðum.
Hólmar Örn Eyjólfsson 3
Eins og Jón Guðni fór krafturinn úr Hólmari í síðari hálfleik.
Jón Guðni Fjóluson 3
Fín frammistaða framan af leik en það fór síðan að halla undan fæti.
Ari Freyr Skúlason 4
Fyrirliðinn gerði vel í fyrri hálfleik en síðan hallaði undan fæti.
Arnór Sigurðsson (´72) 4
Var týndur framan af leik en átti nokkra ágætis spretti þegar líða tók á. Horfði á boltann frekar en að elta manninn í fjórða marki Belga.
Birkir Bjarnason 5
Yfirveguð frammistaða en það hallaði undan fæti undir restina.
Guðlaugur Victor Pálsson 5
Ekki sama stjörnu frammistaða og gegn Englandi en ágætt þó.
Andri Fannar Baldursson (´54) 5
Fyrsti landsleikurinn, enginn sýning en komst ágætlega frá sínu. Framtíð hans er björt.
Albert Guðmundsson 5
Átti nokkra góða spretti í síðari hálfleik og hefði með smá gæðum getað skorað hið minnsta eitt mark
Hólmbert Aron Friðjónsson (´70) 7 – Maður leiksins
Besti leikmaður Íslands, markið var heppni en Hólmbert hélt bolta vel og kom honum í spil.
Varamenn:
Emil Hallfreðsson (´54) 5
Ágætis inkoma þó lítið hafi borið á honum.