fbpx
Föstudagur 30.október 2020
433Sport

Sævar er reiður og hótar því að rífa kjaft: „Hélt bara að við værum komin lengra en þetta“

Hörður Snævar Jónsson
Þriðjudaginn 1. september 2020 09:26

Ekki missa af Helstu tíðindum dagsins í pósthólfið þitt

Lesa nánar

Sævar Pétursson framkvæmdarstjóri KA sendir pillu á Arnar Þór Viðarsson, landsliðsþjálfara U21 árs landsliðsins á Twitter í dag. Kveðjurnar eru kaldar sem koma frá Akureyri niður í Laugardal. Arnar Þór hefur þurft að gera tvær breytingar á hóp liðsins vegna meiðsla. Daníel Hafsteinsson og Finnur Tómas Pálmason hafa dregið sig úr hópnum vegna meiðsla. Í þeirra stað koma Valgeir Valgeirsson og Valgeir Lunddal Friðriksson inn.

Ísland mætir Svíþjóð í undankeppni EM föstudaginn 4. september. Leikurinn hefst kl. 16:30 og fer fram á Víkingsvelli. Það vakti talsverða furðu þegar Arnar valdi ekki Valgeir Valgeirsson og Valgeir Lunddal í hóp sinn til að byrja með. Valgeir Valgeirsson hefur verið frábær með HK síðustu tvö tímabil og Valgeir Lunddal hefur slegið í gegn sem bakvörður hjá Val.

„Þetta er orðið algjört djók hvernig er staðið að þessum yngri landsliðum!! Sennilega þarf að rífa meira kjaft á samfélagsmiðlunum,“ skrifar Sævar á Twitter og er óhress.

Mikil umræða skapaðist eftir að Arnar valdi ekki Valgeir og Valgeir til að byrja með en báðir hafa leikið sem bakverðir í sumar. Sævar er óhress með að ekki sé kallaður inn miðvörður sökum þess að Finnur Tómas er ekki leikfær. Sævar hafði fyrir helgi bent á að Brynjar Ingi Bjarnason, miðvörður KA ætti að vera í þessum hóp.

„Ég reyndar hélt það að hafa menn í fullu starfi hjá KSÍ myndi kalla á það að menn væru að fylgjast með leikjunum ekki bara umræðunni um íþróttina,“ segir Sævar í einu Svari sínu.

Sævar segir að Valgeir og Valgeir eigi skilið að vera í hópnum en kallar eftir meiri fagmennsku. „Þannig að það sé sagt finnst mér persónulega að Valgeir x 2 eiga þetta skilið. Hélt bara að við værum komin lengra en þetta. Í þessum hópi er 1-2 hafsentar. Fyrsti hafsentinn meiðist og þá taka menn inn bakvörð.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Útvarpsstjórinn hræddi líftóruna úr Rúnari þegar hann brá sér í hlutverk jólasveins

Útvarpsstjórinn hræddi líftóruna úr Rúnari þegar hann brá sér í hlutverk jólasveins
433Sport
Fyrir 8 klukkutímum

Óttast að biðin geti orðið löng og erfið

Óttast að biðin geti orðið löng og erfið
433Sport
Í gær

Hörður Björgvin spilaði allan leikinn í jafntefli – Arnór kom inn á

Hörður Björgvin spilaði allan leikinn í jafntefli – Arnór kom inn á
433Sport
Í gær

Rúnar Alex byrjar í sínum fyrsta leik fyrir Arsenal

Rúnar Alex byrjar í sínum fyrsta leik fyrir Arsenal
433Sport
Í gær

Næsti forseti vill fá Guardiola og gamlar hetjur heim

Næsti forseti vill fá Guardiola og gamlar hetjur heim
433Sport
Í gær

Ættfræði Ísaks skoðuð í breskum miðlum – Fæðingarstaður hans opnar á stórt tækifæri

Ættfræði Ísaks skoðuð í breskum miðlum – Fæðingarstaður hans opnar á stórt tækifæri