Stórleik kvöldsins á Ítalíu er nú lokið en Napoli fékk þá AC Milan í heimsókn í skemmtilegum leik.
Milan komst yfir á 20. mínútu í kvöld er Theo Hernandez skoraði eftir stoðsendingu Ante Rebic.
Napoli jafnaði sanngjarnt á 34. mínútu er Giovanni Di Lorenzo kom boltanum í netið og staðan jöfn í leikhléi.
Á 60. mínútu kom Dries Mertens liði Napoli yfir en sú forysta entist aðeins í 13 mínútur.
Franck Kessie sá um að tryggja Milan stig en hann skoraði á vítapunktinum eftir ansi umdeildan dóm.
Napoli er í sjötta sæti með 52 stig og er Milan sæti neðar með 50 stig.