Franskur knattspyrnumaður að nafni Farid El Melali á við vandamál að stríða en hann hefur verið handtekinn tvisvar á stuttum tíma.

Fyrir um tveimur mánuðum var El Melali handtekinn fyrir að fróa sér fyrir utan íbúð kvenmanns sem bjó í nágreni við hann.

El Melali neitaði allri sök á þeim tíma og hélt því fram að hann hefði verið einn á svæðinu.

Nú hefur Melali verið handtekinn í annað sinn fyrir að fróa sér á almannafæri og þarf að mæta fyrir rétt þann 25. ágúst.

Talað er um að leikmaðurinn þurfi mögulega að sitja inni í heilt ár en hann spilar með Angers í Frakklandi.

Þessi 22 ára gamli leikmaður kom til Angers árið 2018 en liðið leikur í efstu deild Frakklands.