Goðsögnin Claudio Pizarro hefur lagt knattspyrnuskóna frægu á hilluna.
Þetta var staðfest í gær en Pizarro mun fagna 42 ára afmæli sínu þann 3. október.
Síðasta verkefni Pizarro var að sitja á bekknum er Bremen hélt sæti sínu í Bundesligunni gegn Heidenheim.
Pizarro hefur komið víða við á ferlinum en hann stoppaði til að mynda stutt hjá Chelsea frá 2007 til 2009.
Undanfarin 12 ár hefur Pizarro leikið í Þýskalandi með Bremen, Bayern Munchen og Köln.
