AC Milan vann frábæran sigur í ítölsku úrvalsdeildinni í kvöld er liðið mætti meisturum Juventus.
Juventus er nánast búið að vinna deildina eftir tvö tap Lazio í röð en liðið er með sjö stiga forskot á toppnum.
Juventus var komið í 2-0 á 53. mínútu með mörkum frá Adrien Rabiot og Cristiano Ronaldo. Útlitið ekki beint bjart fyrir heimamenn.
Á 62. mínútu lagaði Zlatan Ibrahimovic stöðuna fyrir Milan en hann skoraði þá úr vítaspyrnu.
Fjórum mínútum seinna skoraði Franck Kessie annað mark fyrir Milan og staðan allt í einu orðin 2-2.
Aðeins mínútu seinna var staðan orðin 3-2 þegar Ante Rebic skoraðid þriðja mark Milan og liðið búið að skora þrjú mörk á fimm mínútum.
Rebic bætti svo við sínu öðru marki á 80. mínútu og vann Milan að lokum frábæran 4-2 sigur.
