Manchester United er ekki tilbúið að borga meira en 50 milljónir punda fyrir Jadon Sancho. Þetta segja starfsmenn félagsins við Sky Sports.
United hefur mikið verið orðað við Sancho en Dortmund mun ekki selja hann fyrir minna en 100 milljónir punda.
Það er því nánast útilokað fyrir Manchester United að fá Sancho í sumar. Þessi tvítugi kantmaður hefur verið frábær í Þýskalandi.
Dortmund keypti Sancho á 8 milljónir punda frá Manchester City árið 2017 en hann ku vilja fara aftur heim til Englands.