Christoph Kramer, leikmaður Gladbach, bað eitt sinn um treyju Lionel Messi eftir leik í Meistaradeildinni.
Kramer segir að upplifunin hafi verið svolítið pínleg en hann þurfti að neyða sjálfan sig í að opna munninn fyrir framan goðsögnina.
,,Ég spurði Messi um treyjuna í lyfjaprófi eftir leik Leverkusen og Barcelona í Meistaradeildinni,“ sagði Kramer.
,,Ég sat við hliðina á honum og þurfti að neyða mig í að spyrja hann. Hann kinkaði bara kolli og fór úr henni.“
,,Ég þakkaði fyrir mig og hann svaraði ‘auðvitað’ – þannig gekk þetta fyrir sig.“
Messi er af flestum talinn besti leikmaður heims og mögulega sá besti frá upphafi.