Það vakti mikla athygli á föstudag þegar Bergsveinn Ólafsson, fyrirliði Fjölnis lagði skóna á hilluna nokkrum vikum fyrir mót.
Bergsveinn sagði frá því að ástríða hans fyrir fótboltanum væri ekki lengur til staðar, hann vildi því hætta frekar en að vera áfram með hangandi haus. Fimm vikur eru í að Pepsi Max-deildin fari af stað og ljóst að ákvörðunin kemur sér illa fyrir uppeldisfélag hans.
„Ástríðan er farin úr fótboltanum. Áhugi minn liggur ekki þar. Áhuginn liggur á öðrum sviðum í lífinu; í því sem ég er búinn að vera að mennta mig í. Það er þjálfunarsálfræði, fyrirlestrar, námskeið og fleira. Ég finn mig miklu betur þar, ég er miklu meiri leiðtogi en fótboltamaður,“ sagði Bergsveinn við Stöð2 um helgina.
Bergsveinn ræddi við þjálfarateymið, leikmenn og stjórnina. Það reyndist honum erfitt. ,,Þessi þrjú samtöl eru það mest krefjandi sem ég hef gert í langan tíma, erfiðasta sem ég hef gert. Maður missti tár í öllum þessum samtölum.“
Ásmundur Arnarson þjálfari Fjölnis sagði við Stöð2 að þessi tíðindi væru högg í maga félagsins. „Þessar fregnir voru högg í magann fyrir okkur þjálfarana og við þurftum smá tíma til að vega og meta okkar viðbrögð .Á þessum tímapunkti áttu ekki von á því að þessar tilfinningar séu að blunda í fyrirliðanum þínum. Þetta er áskorun fyrir okkur og menn þurfa bara að stíga upp,“ sagði Ásmundur við Stöð2.
Talsverð umræða hefur skapast um þessa ákvörðun Bergsveins á samfélagsmiðlum má sjá hér að neðan.
Þetta eru stórar fréttir fyrir okkur Fjölnismenn. Fyrirliðinn stekkur frá borði rétt fyrir mót. Enn við treystum Torfa, Grétari og Hansa fyrir þessu #fotboltinet https://t.co/QsLXSZiGKH
— Örn Arnarson (@Fuglinn) May 8, 2020
Fyrst hætti @BergsveinnOlafs að safna þessu ógeðis hári. Svo hætti hann að borða kjöt. Nú hættur í boltanum. Mikill missir. Sannur leiðtogi. Fyrirmynd og harðjaxl ❤️ #TakkBeggi #FotboltiNet pic.twitter.com/7lxCeKhyfR
— Maggi Peran (@maggiperan) May 9, 2020
Leiðtogar stökkva ekki frá borði korter í mót. pic.twitter.com/dGTEHSqgrn
— Daníel Rúnarsson (@danielrunars) May 9, 2020