Það virðist vera mikil ólga í Stjörnunni í Garðabæ sem ekki sér fyrir endann á. Máni Pétursson, einn harðasti stuðningsmaður Stjörnunnar sagði fyrir helgi að ástandið í félaginu sé afar slæmt. Vísir.is sagði frá því á dögunum að varaformaður Stjörnunnar og fleiri stjórnarmeðlimir hafi hætt vegna átaka við Sigurð Bjarnason, formann félagsins.
Lítið hefur heyrst um málið síðan en Máni segir stöðuna afar slæma. „Vandamál Stjörnunnar er að félagið er í tómu rugli. Ástandið innan félagsins er í tómu rugli,“ sagði Máni
Þeir aðilar sem hættu í stjórn Stjörnunnar voru allt konur og Máni tók það sem dæmi. „Ég get tekið dæmi sem snýr mér næst. Ég held að það sé ekkert öðruvísi með Stjörnuna eða önnur félagslið eða sambönd á þessu landi að menn eru alltaf svo peppaðir að við þurfa að sýna sterkar konur og þær þurfa að segja sína skoðun og allt þetta. Það er gott og vel og þú segir þetta út á við,“ sagði Máni
„Síðan segja þessar konur að þetta gengur ekki og að við séum ekki að fara vinna þetta svona, að svona hroki og yfirgangur er ekki í boði og þetta þarf að vera betra. Þá byrjar bara typpa félagið að segja „þið þurfið að fara út úr félaginu“. Þetta er bara það sem snýr að mér. Þetta er ekki það sem Stjarnan á að standa fyrir og fyrir mér er félagið búið að tapa gildum sínum.“
Fyrrum leikmenn Stjörnunnar í kvennaflokki virðast taka undir þetta með færslu sem Berglind Hrund Jónasdóttir, fyrrum markvörður félagsins deildir. Þar er bent á það að aðeins einn leikmaður sem varð Íslandsmeistari með liðinu árið 2016 sé eftir í félaginu. „Af þeim leikmönnum sem tilheyrðu sigursælasta knattspyrnuliði í sem Stjarnan hefur átt er aðeins einn leikmaður sem spilar eða starfar fyrir félagið,“ segir í færslunni.
Fjöldi fyrrum leikmanna taka undir færsluna og endurbirta hana. „Það eitt ætti að vekja upp spurningar og efasemdir um stjórnarhætti og þau gildi sem félagið hefur tileinkað sér.“
Harpa Þorsteinsdóttir sem hætti í vetur eftir frábæran feril tekur undir þetta. „Aðalfundur Stjörnunnar í næstu viku – ég mæti spennt.“
Íslandsmeistarar 2016..
Í dag er EINN leikmaður sem spilar en fyrir Stjörnuna sem varð meistari þá!! pic.twitter.com/JCCm0BJkJs— Berglind Hrund Jónas (@BeGGaNN) May 9, 2020