Lögreglan í Birmingham vill ná tali af stórstjörnu Aston Vlla, Jack Grealish efitr umferðaróhapp í borginni í fyrradag. Grealish var í gleðskap alla nóttina, þrátt yrir að útgöngubann sé í landinu. Grealish hafði deginum áður beðið fólk um að halda sig heima á meðan kórónuveiran gengur yfir þar í landi. Útgöngubann er á Bretlandseyjum.
Aston Villa hefur sektað Grealish hressilega, en hann þarf að greiða 150 þúsund pund í sekt.
Grealish var í gleðskap hjá Ross McCormack fyrrum liðsfélaga sínum hjá Villa, alla nóttina. Hann keyrði á tvo kyrrstæða bíla. Lögreglan í Birmingham var kölluð á staðinn en Grealish tók dótið sitt úr bílnum og fór af vettvangi. Lögreglan mun yfirheyra hann á næstu dögum.
Manchester United hefur horft til þess að kaupa Grealish í sumar en mörg ensk blöð segja að þessi hegðun gæti komið í veg fyrir það, Ole Gunnar Solskjær hefur verið að herða agareglur félagsins.
Grealish var ungur og vitlaus fyrir nokkrum árum og gerði mörg mistök, margir vonuðust til þess að þessi 24 ára leikmaður hefði þroskast.