Pedro, leikmaður Chelsea, segir að ummæli hans í samtali við Cadena Ser hafi verið tekin úr samhengi.
Þar var fullyrt að Pedro hefði sagst ætla að rifta samningi sínum við Chelsea fyrir lok tímabils og að hann væri á förum.
Pedro neitar þó að það sé öruggt að hann sé að kveðja og gæti enn skrifað undir framlengingu.
,,Eins og margir vita þá verð ég samningslaus í maí. Ég hef þó ekki rætt við félagið hvort hann verði framlengdur eða ekki,“ sagði Pedro.
,,Ég hef séð mörg skilaboð frá aðdáendum Chelsea sem kveðja mig og þakka mér fyrir tímann sem ég þakka fyrir.“
,,Ég vil þó undirstrika það að samningurinn er einfaldlega að renna út en ég á enn eftir að ræða við félagið.“