Trent Alexander-Arnold, varnarmaður Liverpool segir að Jurgen Klopp sé magnaður stjóri og hann nái ótrúlega vel til leikmanna.
Klopp hefur náð mögnuðum árangri með Liverpool og er liðið að vinna deildina í fyrsta sinn í 30 ár.
,,Hann er gjörsamlega magnaður, það á allan hátt,“ sagði Arnold sem var beðinn um að fara yfir hvað gerir Klopp svo öflugan.
Hann segir hans helsta styrkleika vera að ræða við leikmenn. ,,Hann er frábær í að fá leikmenn með sér, sem persóna og þjálfari. Hann er magnaður.“
,,Hann er eins á æfingasvæðinu og hann er í viðtölum. Það sjá allir sem horfa á hann í sjónvarpinu að hann er persóna með mikla ást.“
,,Þú sérð að hann er maður sem vill gera allt fyrir þá sem eru í kringum hann, hann hugsar um fjölskylduna, leikmennina, starfsfólkið. Það eru allir jafnir fyrir honum.“
,,Fyrirliðinn færu sömu meðferð og ungur leikmaður, hann kann að stýra hóp. Hann veit hvað þarf að segja og hvernig þarf að segja hlutina.“