Jose Mourinho, stjóri Tottenham, var auðmjúkur eftir leik við RB Leipzig í Meistaradeildinni í kvöld.
Tottenham er úr leik í 16-liða úrslitum eftir 3-0 tap gegn Leipzig í Þýskalandi og 4-0 samanlagt.
,,Ég vil þakka stuðningsmönnunum okkar fyrir að koma hingað í erfiðri stöðu og án þess að geta tekið beint flug. Það voru svo margir sem komu og studdu liðið,“ sagði Mourinho.
,,Auðvitað vann betra liðið leikinn. Þeir voru betri líkamlega, í skyndisóknum og unnu návígi. Þetta var lið í sínu besta standi með bestu leikmennina gegn liði sem er í vandræðum.“
,,Það var hægt að sjá þetta, ég þarf ekki að segja sömu hlutina. Við erum með mörg vandamál og þetta er erfitt.“