fbpx
Fimmtudagur 28.maí 2020
433Sport

Garðar hjólar í KSÍ og segir hurðinni skellt á nefið: „Einungis kaldar kveðjur beint í andlitið“

Hörður Snævar Jónsson
Fimmtudaginn 27. febrúar 2020 09:45

Ekki missa af Helstu tíðindum dagsins í pósthólfið þitt

Lesa nánar

Garðar Örn Hinriksson fyrrum dómari, sendir KSÍ fremur kaldar kveðjur í pistli sem hann ritar á Fótbolta.net í dag. Þar fer hann yfir það hvernig komið var fram við sig þegar hann hætti að dæma.

Garðar var lengi vel einn fremsti dómari landsins þó hann hafi reyndar verið umdeildur í starfi, hann var ekki allra en hann komst langt í starfi og þótti afar góður.

,,Ég hóf feril minn sem knattspyrnudómari fyrir alvöru árið 1989 og lagði flautuna á hilluna árið 2016. Hjá knattspyrnusambandinu starfaði ég frá 1994 til 2016. Á þessum tíma var ég alþjóðlegur dómari frá 2005 til 2009 og efstudeildadómari frá 1998 til 2016. Maður hefði haldið að eftir allan þennan tíma fengi maður einhverskonar viðurkenningu eða þakklætisvott frá knattspyrnusambandinu fyrir störf sín en svo er ekki og það þykir mér óskaplega dapurt,“ skrifar Garðar á Fótbolta.net.

Hann segir dómara ekki fá sömu viðurkenningu og leikmenn eða aðrir, hann skrifar pistil sinn í kringum þær viðurkenningar sem KSÍ veitti á síðasta ársþingi.

,,Reyndar er hálf ömurlegt hvernig er komið fram við dómara sem hafa eytt stórum hluta ævi sinnar við að vinna fyrir sambandið þegar þeir hætta. Það er ekki einu sinni sagt takk! Og þetta virðist eiga við um alla dómara sem hafa hætt svo ég viti til. Alþjóðlegir dómarar, sem eru í raun landsliðsmenn á meðal dómara, fá ekki einu sinni þakklætisvott frá sambandinu. Einungis kaldar kveðjur beint í andlitið eftir áralangt starf.“

Hann segir að þegar hann hafi ákveðið að hætta að dæma hafi það verið stutt kveðja sem hann fékk.

,,Hurðinni skellt beint á nefið þegar maður gengur út! Ég er ekki að fara fram á það að fara á fund hjá knattspyrnusambandinu og fara heim með fullar hendur af viðurkenningum og gjöfum. Mér finnst bara að KSÍ mætti sýna dómurum meiri virðingu en þeir gera og sýna það hversu mikilvægir þeir eru. Dómarar eru ekkert minna mikilvægir en leikmenn sem hafa náð 100 landsleikjum eða fólk sem hefur unnið önnur mikilvæg störf fyrir sambandið. Þetta er í raun, “Ertu að hætta? Ok, bæ!.“

Tekið á Landsdómararáðstefnu 2005 sem haldin var á Selfossi 22. – 24. apríl 2005.
Garðar Örn Hinriksson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 22 klukkutímum

United tryggir sér risastórt lán til að geta keypt leikmenn í sumar

United tryggir sér risastórt lán til að geta keypt leikmenn í sumar
433Sport
Fyrir 23 klukkutímum

Guðjohnsen á leið í Árbæinn?

Guðjohnsen á leið í Árbæinn?
433Sport
Í gær

Þjóðin hefur talað: Þessi lið falla úr Pepsi Max-deildinni í sumar

Þjóðin hefur talað: Þessi lið falla úr Pepsi Max-deildinni í sumar
433Sport
Í gær

Ný hárgreiðsla Ronaldo fær slæma dóma: „Samþykkt?“

Ný hárgreiðsla Ronaldo fær slæma dóma: „Samþykkt?“
433Sport
Í gær

Ánægður með að enginn hafi mætt með bumbu til baka

Ánægður með að enginn hafi mætt með bumbu til baka
433Sport
Í gær

Bannað að snertast þegar marki er fagnað

Bannað að snertast þegar marki er fagnað
433Sport
Fyrir 2 dögum

Ólafur slasaður eftir að hafa reynt að grípa húfuna sína

Ólafur slasaður eftir að hafa reynt að grípa húfuna sína
433Sport
Fyrir 2 dögum

Verður þetta byrjunarlið Liverpool á næstu leiktíð? – Fer skærasta stjarnan?

Verður þetta byrjunarlið Liverpool á næstu leiktíð? – Fer skærasta stjarnan?