Manchester City er í ansi góðri stöðu í Meistaradeild Evrópu eftir leik við Real Madrid á Santiago Bernabeu í kvöld.
Um var að ræða fyrri leik liðanna af tveimur en það voru gestirnir frá Englandi sem unnu góðan útisigur.
Real komst yfir á 60. mínútu í seinni hálfleik er Isco kom liðinu yfir eftir markalausan fyrri hálfleik.
City tókst að svara á 78. mínútu þegar Gabriel Jesus skoraði með skalla og jafnaði metin.
Stuttu seinna fékk City svo vítaspyrnu er brotið var á Raheem Sterling innan teigs og út henni skoraði Kevin de Bruyne.
Sergio Ramos fékk að líta beint rautt spjald hjá Real þegar fjórar mínútur voru eftir og missir hann af seinni leiknum.
Lyon vann á sama tíma virkilega góðan sigur á Juventus en leikið var á heimavelli franska liðsins.
Lucas Tousart gerði eina mark leiksins en hann skoraði fyrir Lyon á 31. mínútu fyrri hálfleiks.
Real Madrid 1-2 Manchester City
1-0 Isco(60′)
1-1 Gabriel Jesus(78′)
1-2 Kevin de Bruyne(víti, 83′)
Lyon 1-0 Juventus
1-0 Lucas Tousart(31′)