Kristian Nökkvi Hlynsson, er byrjaður að æfa og spila með Ajax en hann gekk í raðir félagsins á dögunum.
Kristian kom til Ajax frá Breiðabliki en talað var um að hollenska félagið hefði greitt metfé fyrir hann.
Kristian þreytti frumraun sína með U16 ára liði Ajax um helgina og lék í gær með U17 ára liði félagsins.
Hann, sem er fæddur árið 2004, er sóknarsinnaður leikmaður sem nýtur sín best fremstur á miðju.
Kristian hefur staðið sig afar vel bæði með Blikum sem og yngri landsliðum Íslands þar sem hann hefur spilað upp fyrir sig. Í sumar fór Kristian með 3.flokki karla til Hollands á elítumót og var þar valinn besti leikmaður mótsins af mótshöldurum. Ajax kom auga á hann þar.