Zinedine Zidane, stjóri Real Madrid, veit ekki hvort Eden Hazard muni spila aftur á leiktíðinni.
Hazard meiddist í 1-0 tapi gegn Levante á laugardaginn og er útlit fyrir að EM næsta sumnar sé í hættu.
,,Ég get ekkert sagt um það, það er erfitt að segja,“ sagði Zidane á blaðamannafundi.
,,Við vitum ekki hvort hann þurfi að fara í aðgerð en augljóslega er hann ekki ánægður. Hann hefur verið frá í þrjá mánuði og spilar tvo leiki og meiðist.“
,,Augljóslega eru það slæmar fréttir fyrir hann en ég get ekki sagt til um hvort hann spili aftur áður en tímabilinu lýkur.“