Granit Xhaka, leikmaður Arsenal, er ekki viss hvort hann muni taka við fyrirliðabandi liðsins aftur.
Xhaka var fyrirliði Arsenal í byrjun tímabils en bandið var tekið af honum eftir rifrildi við stuðningsmenn liðsisn.
Miðjumaðurinn hefur spilað nokkuð vel undanfarið en hann er þó ekki búinn að gleyma því sem gerðist.
,,Ég veit hvað ég get gefið liðinu með fyrirliðabandið eða án þess,“ sagði Xhaka.
,,Ef ég verð spurður um að bera bandið aftur fyrir félagið einn daginn þá mun ég hugsa mig tvisvar um.“