Jordan Henderson, fyrirliði Liverpool var mættur á spítala í borginni í morgun. Þar fór hann í myndatöku.
Óttast er að fyrirliðinn sé meiddur aftan í læri og möguleiki á að hann verði fjarverandi næstu vikur.
Henderson fór meiddur af velli í 1-0 tapi gegn Atletico Madrid á þriðjudag.
Henderson var í tæpan hálftíma á sjúkrahúsinu í Liverpool þar sem lærið var myndað, hann spilar líklega ekki gegn West Ham á mánudag.
James Milner fyllti skarð Henderson á þriðjudag en talið er tæpt að Henderson geti spilað síðari leikinn gegn Atletico þann 11 mars.