Tottenham er ekki í frábærri stöðu í Meistaradeildinni eftir leik við RB Leipzig í kvöld.
Um var að ræða leik í 16-liða úrslitum keppninnar en fyrri viðureignin fór fram á heimavelli enska liðsins.
Það var Leipzig sem hafði betur í kvöld en eina markið skoraði Timo Werner fyrir gestina.
Werner gerði mark Leipzig á 58. mínútu úr vítaspyrnu eftir að Ben Davies hafði gerst brotlegur.
Í hinum leik kvöldsins þá áttust við Atalanta og Valencia og eru þeir ítölsku í mjög góðri stöðu.
Atalanta vann öruggan 4-1 heimasigur og er því í virkilega ákjósanlegri stöðu fyrir seinni leikinn.
Tottenham 0-1 Leipzig
0-1 Timo Werner(víti, 58′)
Atalanta 4-1 Valencia
1-0 Hans Hateboer(16′)
2-0 Josip Ilicic(42′)
3-0 Remo Freuler(57′)
4-0 Hans Hateboer(63′)
4-1 Denis Cheryshev(66′)