Ansi óhugnanlegt atvik átti sér stað í Frakklandi nýlega en leikið var í neðri deildunum þar í landi.
Búið er að dæma ónefndan leikmann í fimm ára bann frá knattspyrnu og er ástæðan skiljanleg.
Þessi maður beit í getnaðarlim mótherja og svo fast að það þurfti að flytja þann slasaða á spítala.
Sauma þurfti tíu spor í getnaðarlim leikmannsins sem reyndi að stöðva slagsmál á vellinum.
Tveir leikmenn rifust heiftarlega á vellinum og reyndi sá þriðji að koma í veg fyrir frekari vandræði.
Leikmenn gengu svo til búningsklefa en bitið átti sér svo stað á bílastæði fyrir utan völlinn.