Frank Lampard, stjóri Chelsea, er alls ekki sammála kollega sínum Ole Gunnar Solskjær eftir leik við Manchester United í kvöld.
Solskjær tjáði sig um tvö atvik eftir leik – mögulegt rautt spjald á Harry Maguire og mark sem var dæmt af Chelsea vegna brots.
Solskjær hrósaði VAR eftir viðureignina sem United vann 2-0 en Lampard var langt frá því að vera á sama máli.
,,Ég hef séð þetta aftur og já þetta er rautt spjald. VAR er þarna til þess að dæma og dæmdu þetta vitlaust,“ sagði Lampard.
,,Markið sem við skoruðum, það er hrint í Azpilicueta og hann ýtir í annan leikmann. Honum var hrint og þetta voru ekki augljós mistök hjá dómaranum. Markið átti að standa.“
