Neymar, stjarna Paris Saint-Germain, hefur hrósað Jadon Sancho, ungum leikmanni Borussia Dortmund.
Sancho er aðeins 19 ára gamall en hann er þrátt fyrir það fastamaður hjá Dortmund og einn mikilvægasti leikmaður liðsins.
Neymar og Sancho munu mætast í 16-liða úrslitum Meistaradeildarinnar á þriðjudaginn.
,,Borussia Dortmund er með marga gæðaleikmenn. Þeir eru með sérstakan leikmann sem ber nafnið Jadon Sancho,“ sagði Neymar.
,,Hann er góður leikmaður. Við vitum hversu erfitt þetta verður í Dortmund. Við vonumst til að spila vel og fara með góð úrslit heim til Parísar.“