Dani Ceballos, leikmaður Arsenal, segist hafa hafnað því að ganga í raðir Liverpool í sumar.
Ceballos kom til Arsenal frá Real Madrid síðasta sumar en hann gerði lánssamning út tímabilið.
Spánverjinn taldi sig ekki henta leikstíl Jurgen Klopp og ákvað því að velja Arsenal.
,,Klopp er frábær stjóri en nú þarft að skoða hugmyndafræði hvers liðs fyrir sig,“ sagði Ceballos.
,,Eins og er þá hentar minn leikstíll ekki liði eins og Liverpool og ég meina það eins vel og hægt er.“
,,Þú ert þó á óskalista bestu liðanna því þú ert að gera eitthvað rétt.“