Framherjinn Krzysztof Piatek er að ganga í raðir þýska liðsins Hertha Berlin.
Það er Sky Sports sem greinir frá þessu en Piatek verður seldur til Hertha frá AC Milan.
Piatek kom til Milan frá Genoa fyrir um ári síðan og kostaði félagið 35 milljónir evra.
Eftir góða byrjun hefur hægst verulega á Piatek og vill Milan nú strax losna við hann.
Nokkur lið sýndu Piatek áhuga í janúar en flest vildu fá hann á láni. Hertha er reiðubúið að kaupa.