Þeir sem þekktu til bandaríska körfuboltamannsins Kobe Bryant hafa farið afar fögrum orðum um hann, en sem kunnugt er fórst Bryant í þyrluslysi í Kaliforníu í fyrradag. Þrettán ára dóttir hans, Gianna, og sjö aðrir voru um borð í þyrlunni og létust þau einnig í slysinu.
Kobe er einn besti körfuboltamaður sögunnar og sá fjórði í röðinni yfir stigahæstu leikmenn NBA-deildarinnar frá upphafi. Kobe Bryant var ekki bara góður körfuboltamaður því hann þótti einnig einlægur utan vallar og var tilbúinn að láta gott af sér leiða.
David Beckham lék með LA Galaxy í Los Angeles og var duglegur að heimsækja leiki LA Lakers þegar Kobe var allt í öllu, á milli þeirra skapaðist vinátta.
,,Það hefur tekið mig marga klukkutíma að átta mig á því hvað ég á að skrifa, en orð mín munu aldrei geta lýst því hvernig mér líður eftir harmleikinn þegar Kobe lést. Þetta var sérstakstur íþróttamaður, eiginmaður, faðir og vinur,“ skrifar Beckham í kveðju til Kobe.
,,Að skrifa þessi orð er nógu erfitt, við misstum magnaða manneskja og líka fallega og hæfileikaríka dóttur hans, Gianna, það brýtur í mér hjartað.“
,,Þá vinnu sem Kobe lagði í fyrir íþróttina sína veitti mér innblástur, að spila í gegnum sársauka til að klára leiki eins og hann einn gat gert, gaf mér innblástur í að gera betur. Ég fór oft bara á leiki til að sjá þegar það væru 2 mínútur eftir á klukkunni, ég vissi að ég væri að fara að sjá eitthvað sérstakt.“
,,Kobe talaði alltaf um Vanessa og fallegu dætur sínar, hversu stoltur hann væri af þeim. Ástríða Kobe var, fjölskyldan og körfubolti. Hann ætlaði sér að kveikja áhuga hjá strákum og stelpum, til að ná árangri í íþróttinni sem hann elskaði. Hans arfleið lifir áfram, ást og bænir hjá fjölskyldu minni fara til Vanessa og barnanna hennar, til körfuboltafjölskyldu Kobe og til þeirra fjölskyldna sem misstu ástvin í þessu slysi.“