Jordan Sinnott, knattspyrnumaður á Englandi lést í gær eftir slagsmál á næturlífinu þar í landi í fyrrinótt.
Sinnott lést á spítala en höfuðkúpa hans brotnaði eftir að hann fór út á lífið í bænum Retford.
Þessi 25 ára gamli knattspyrnumaður lenti tvisvar í slagsmálum þetta örlagaríka kvöld. Lögreglan var kölluð til þegar átta menn og konur voru að slást á bílastæði. Sinnott fannst skömmu síðar, meðvitundarlaus og með brotna höfuðkúpa.
27 ára einstaklingur hefur verið handtekinn og rannsakar lögreglan málið sem morð. Annar einstaklingur var með brotið nef og annar var kjálkabrotinn
Sinnott var í eigu Alfreton Toen en lék á láni með Matlock Town, hann hafði spilað fyrir Huddersfield og fleiri lið á ferlinum. Hann var úrskurðaður látinn á sjúkrahúsi.
Harry Maguire, fyrirliði Manchester United þekkti til Sinnott og minnist hans á Twitter. ,,Hræðilegar fréttir, hugur munn er hjá fjölskyldu hans og vinum.“
