Það verða gríðarlega miklar breytingar hjá Manchester United næsta sumar ef marka má enska miðla í dag.
United hefur alls ekki staðist væntingar á þessu tímabili og hafa kaup liðsins ekki gengið upp síðustu ár.
Margir nýir njósnarar munu hefja störf hjá United í sumar til að reyna að fá nákvæmlega réttu mennina fyrir félagið.
Daily Mail segir að United muni passa vel upp á það í framtíðinni að fá ekki inn leikmenn sem henti ekki félaginu.
Síðan Sir Alex Ferguson hætti sem stjóri United árið 2013 þá hafa félagaskipti liðsins ekki verið upp á marga fiska og vill stjórnin breyta því.