Watford er óvænt úr leik í enska bikarnum eftir tap gegn Tranmere Rovers í gær.
Tranmere leikur í ensku C-deildinni og mun spila við Manchester United í næstu umferð um helgina.
Fyrri leik liðanna lauk með 3-3 jafntefli á heimavelli Watford og í endurteknum leik þá van Tranmere 2-1.
Watford byrjaði að selja miða á mögulegan leik gegn United í næstu umferð, vitandi það að liðið væri mun sigurstranglegra gegn Tranmere.
Það voru ófáir stuðningsmenn sem keyptu miða fyrir leik gegn United sem verður nú ekki að veruleika.
Félagið þarf því að endurgreiða stuðningsmönnum sem keyptu miða á þann leik.
If you could come to the club shop tomorrow and get your refunds that would be great… https://t.co/whmNC5QfRn
— James Norwood (@jnorwood_10) 23 January 2020