Það er alveg á hreinu hver vonarstjarna Arsenal er í dag en það er hinn ungi Gabriel Martinelli.
Martinelli skoraði í 2-2 jafntefli við Chelsea í kvöld en hann jafnaði metin í 1-1 fyrir gestina.
Martinelli er aðeins 18 ára gamall en hefur þrátt fyrir það skorað heil tíu mörk á tímabilinu.
Brassinn varð um leið í kvöld fyrsti táningurinn til að skora 10 mörk fyrir Arsenal á einu tímabili síðan 1999.
Nicolas Anelka náði þá þeim áfanga fyrir Arsenal en hann spilaði einnig síðar með Chelsea.
